Azərbaycan, Bakı, 21may /müx. TrendLife Safura
Meyxana ustası Vüqar bütün işini-gücünü atıb, ailəsi ilə birlikdə Türkiyəyə istirahətə yollanıb. Hazırda istirahətdə olan Vüqar Bakıya qaydandan sonra sənət aləmində partlayış edəcəyinə söz verir. Onun prodüsseri Yusifin TrendLife-a verdiyi məlumata görə, meyxana ustası istirahətdə topladığı enerjini sənətinə sərf edəcək. Belə ki, Vüqarın şeir kitabı da hazırlanır. İlk kitabında onun bu günə qədər qələmə aldığı şeirlər yer alacaq. "Kitabın əlyazmalarını bu gün də nəşrə göndərmək olar"-deyən prodüsser Yusifin sözlərinə görə, Vüqarın sinəsi doludur və o, bundan sonra hələ çox şeirlər yazacaq: "Vüqar istirahətdən dönən kimi şei rvə mahnıları ilə fəaliyyətini davam etdirəcək. Bəsdir istirahət etdi, işlər tökülüb qalıb". İşlə məşqul olmaq zamanının artıq gəldiyini deyən Yusif səbirsizliklə meyxanaçı dostunun yolunu gözləyir.