Azərbaycan, Bakı, 9 sentyabr /Trend/
Cümə günü Türkiyədə ictimai fikrin dəyişdirilməsinə yönəlmiş internet saytlarının yaradılması üzrə işin araşdırılması ilə əlaqədar general-leytenant Mehmet Eröz də həbs olunub. Trend-in məlumatına görə, bu barədə "Sabah" qəzeti yazır.
Eröz "Türkiyə Respublikası hökumətinin məhv edilməsi üçün güc tətbiqi"ndə və "terror təşkilatının idarə olunması"nda təqsirləndirilir.
Bununla, həbs olunmuş generalların sayı 50-yə çatıb.