Azərbaycan, Bakı, 6 aprel /Trend, müxbir İ.İsabalayeva/
Azərbaycan Turizm İnstitutunun tələbələri Almaniya və İsrailin turizm obyektlərində təcrübə keçəcəklər.
İnstitutdan cümə günü Trend-ə verilən məlumata görə, bu gün rektor Cəfər Cəfərov Almaniya və İsraildə 5 aylıq istehsalat təcrübəsində olacaq tələbələrlə görüşüb. "Isrotel" mehmanxanalar şəbəkəsi ilə əməkdaşlıq çərçivəsində gerçəkləşən proqramın dördüncü fəaliyyət ilində 19 tələbə bu ölkədə, 3 tələbə isə Almaniyada təcrübə keçəcəklər.
Tələbələrin beynəlxalq mehmanxana biznesi üzrə keçəcəkləri təcrübə onların gələcək iş karyeralarına müsbət təsir göstərəcək.