Azərbaycan, Bakı, 10 aprel /Trend, müxbir E.Mehdiyev/
"ABŞ Təhsilli Azərbaycanlı Məzunlar" İctimai Birliyində çərşənbə axşamı "Avropa İttifaqı-Azərbaycan: Yol xəritəsi" adlı "dəyirmi masa" keçirilib.
Trend-in məlumatına görə, tədbirdə ABŞ-da təhsil alan azərbaycanlı məzunlar iştirak ediblər.
Tədbirdə çıxış edən Avropa İttifaqının (Aİ) Azərbaycandakı nümayəndəliyinin rəhbəri Ronald Kobia iştirakçılara Aİ-nin yaranma tarixi, xarici siyasəti, müdafiə siyasəti və digər fəaliyyəti barədə, həmçinin Aİ ilə Azərbaycan arasında əməkdaşlıq haqqında ətraflı məlumat verib.
Daha sonra Kobia tədbir iştirakçılarının suallarını cavablandırıb.