Azərbaycan, Bakı, 26 aprel /Trend, müxbir M.Əliyev/
Azərbaycanda kreativ iqtisadiyyatın ümumi daxili məhsulda (ÜDM) payı son illərdə 2 faiz artıb. Trend-in məlumatına görə, bunu cümə axşamı jurnalistlərə Azərbaycan Müəllif Hüquqları Agentliyinin direktoru Kamran İmanov deyib.
İmanov bildirib ki, hazırda Azərbaycanda kreativ iqtisadiyyatın ÜDM-də payı 4,5 faizdir. Avropa ölkələrində bu göstərici 7 faizə çatır.
Onun sözlərinə görə, dünyada kreativ iqtisadiyyatın payına 4 trilyon dollardan çox vəsait düşür.
İmanov hesab edir ki, güclü qanunvericilik olan ölkələrdə kreativ iqtisadiyyat güclü inkişaf edir.