Azərbaycan, Bakı, 4 iyun /Trend, müxbir İ.İzzət/
Bakının Xətai rayonundakı 2 saylı "ASAN xidmət" mərkəzi iyun ayının 5-dən etibarən fəaliyyətə başlayacaq.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Beynəlxalq və ictimaiyyətlə əlaqələr şöbəsindən Trend-ə verilən məlumata görə, mərkəzdə 9 dövlət qurumu tərəfindən həyata keçiriləcək 25 hüquqi və 22 funksional yardımçı xidmətdən Xətai rayonu ilə yanaşı, Nizami və Suraxanı rayonlarının sakinləri də yararlana biləcək.
Qeyd edək ki, 2 saylı "ASAN xidmət" mərkəzi Nobel prospekti, 23 ünvanında, "AMAY" ticarət mərkəzinin 2-ci mərtəbəsində yerləşir.