...

İran hökuməti Xəzər dənizində çimməyin təhlükəli olduğunu bildirib

Cəmiyyət Materials 23 İyul 2013 11:06 (UTC +04:00)
Xəzərdə çimmək təhlükəlidir, dənizin suyu çirklidir və bu səbəbdən əhalinin dənizdə çimməsi qadağan olunmalıdır.
İran hökuməti Xəzər dənizində çimməyin təhlükəli olduğunu bildirib

Azərbaycan, Bakı, 23 iyul /Trend müxbir T.Cəfərov/

Xəzərdə çimmək təhlükəlidir, dənizin suyu çirklidir və bu səbəbdən əhalinin dənizdə çimməsi qadağan olunmalıdır. Trend-in İRNA xəbər agentliyinə istinadən verdiyi məlumata görə, bunu İranın Ekologiya və Ətraf Mühit Təşkilatının sədr müavini Əbdülrza Kərbasi deyib.

Kərbasi bildirib ki, Xəzər dəniznində çirklilik əsasən neft tullantıları, sənaye və məişət, çirkab suları vasitəsi ilə çirklənir: "İranın Xəzər dənizinin çirklənməsində payı 12 faizdir".

O deyib ki, İran tərəfindən Xəzər dənizinin çirklənməsi əsasən sənaye və məişət tullantıları vasitəsi ilə baş tutur: "İldə 400 milyon kubmetr sənaye və məişət tullantısı İranın Xəzəryanı əyalətlərində istehsal olunur ki, onun 40 faizi filtirasiya olunur qalan 60 faizi isə heç bir filtirasiya edilmədən dənizə axıdılır".

Məqalədə:
Xəbər lenti

Xəbər lenti