...

"Azərbaycan Hüquq İslahatları Mərkəzi" İB-nin sədri təltif olunub

Cəmiyyət Materials 26 İyul 2013 15:09 (UTC +04:00)
"Azərbaycan Hüquq İslahatları Mərkəzi" İctimai Birliyinin sədri, Vəkillər Kollegiyasının Rəyasət Heyətinin və Hakimlərin Seçki Komitəsinin üzvü, h.e.f.d. Anar Bağırov təltif olunub.
"Azərbaycan Hüquq İslahatları Mərkəzi" İB-nin sədri təltif olunub

Azərbaycan, Bakı, 26 iyul /Trend/

"Azərbaycan Hüquq İslahatları Mərkəzi" İctimai Birliyinin sədri, Vəkillər Kollegiyasının Rəyasət Heyətinin və Hakimlərin Seçki Komitəsinin üzvü, h.e.f.d. Anar Bağırov təltif olunub.

İyulun 25-də Vəkillər Kollegiyasının Rəyasət Heyətinin növbəti iclası keçirilib. İclasda gündəlikdə duran bir sıra təşkilati məsəslərlərə baxılıb, həmçinin Azərbaycan Respublikası Vəkillər Kollegiyasının fəaliyyətinə xüsusi töhfələr vermiş hüquqşünaslar təltif olunublar.

Qeyd olunmalıdır ki, tədbir çərçivəsində "Azərbaycan Hüquq İslahatları Mərkəzi" İB-nin sədri, Vəkillər Kollegiyasının Rəyasət Heyətinin və Hakimlərin Seçki Komitəsinin üzvü, h.e.f.d. Anar Bağırov ölkəmizin tarixində ilk dəfə vəkillik sahəsini işıqlandıran, Azərbaycan vəkillərinin yeganə tribunası olan dövrü nəşrin - "Azərbaycan vəkili" jurnalının işıq üzü görməsində təşəbbüskarlıq nümayiş etdirməsi, bu nəşrin vəkil korpusu arasında ödənişsiz paylanılmasını təmin etməsi, habelə Azərbaycan vəkilliyinin nüfuzunun artırılmasındakı xüsusi xidmətlərinə görə Azərbaycan Respublikası Vəkillər Kollegiyasının "Fəxri hüquq doktoru" adına layiq görülüb.

Habelə, ölkəmizdə səfərdə olan Rusiya Vəkillər Gildiyasının prezidenti, əslən Azərbaycandan olan, tanınmış vəkil Həsən Mirzəyev də ölkələrimizin vəkillik qurumları arasındakı əməkdaşlıq münasibətlərinin inkişaf etdirilməsi işindəki fəaliyyətinə görə Azərbaycan Respublikası Vəkillər Kollegiyasının "Fəxri hüquq doktoru" adına layiq görülüb.

Məqalədə:
Xəbər lenti

Xəbər lenti