Azərbaycan, Bakı, 19 avqust /Trend, müxbir H. Vəliyev/
İlin sonuna kimi "Bakıelektrikşəbəkə" SC-nin xidmətlərinin ödənilməsi eManat terminallarında mümkün olacaq. Bu barədə Trend-ə "Modenis" ("Modern Group" şirkətlər qrupuna daxildir) şirkətindən bildirilib.
Hazırda eManat terminallarından "Azərsu" ASC və "Azəriqaz" İB (SMART-kartların yüklənməsi), o cümlədən Avirtel" və "Connect" internet proveyderlərinin xidmət haqlarını ödəmək mümkündür.
Yaxın vaxtlarda servisə "Azercell Telecom" MMC və "Azərfon" MMC (Nar Mobile ticarət markası), kabel televiziyası, bank kreditlərinin ödənilməsi və s. xidmətlərin əlavə olunacağı gözlənilir.