...

Azərbaycanda İİV-ə görə müayinə aparan kabinetlərin sayı artırılacaq

Cəmiyyət Materials 24 Oktyabr 2013 14:20 (UTC +04:00)
Azərbaycanda İİV-ə görə müayinənin əlcatanlığını təmin etmək üçün Könüllu Məsləhət və Müayinə kabinetlərinin sayı artırılacaq.
Azərbaycanda İİV-ə görə müayinə aparan kabinetlərin sayı artırılacaq

Azərbaycan, Bakı, 24 oktyabr /Trend, müxbir İ.İsabalayeva/

Azərbaycanda İİV-ə görə müayinənin əlcatanlığını təmin etmək üçün Könüllu Məsləhət və Müayinə kabinetlərinin sayı artırılacaq.

Respublika QİCS-lə Mübarizə Mərkəzindən (RQMM) Trend-ə verilən məlumata görə, hazırda ölkənin müxtəlif regionlarında 34 Könüllu Məsləhət və Müayinə Kabineti fəaliyyət göstərir. Bu ilin sonunadək belə kabinetlərin sayı 38-ə çatdırılacaq. Respublikanın müxtəlif yerlərində belə kabinetlərin fəaliyyət göstərməsi daha çox insana, xüsusilə də ən həssas və təcrid olunmuş əhali qruplarına İİV-ə yoluxub-yoluxmama vəziyyətlərini öyrənmək imkanı verir.

Mərkəzdən bildirilib ki, İİV-lə yaşayan insanlara profilaktika, müalicə, qulluq və dəstəyin göstərilməsinin təmin edilməsi üçün 08.11.2006-cı il tarixdən antiretrovirus terapiya (ART) tətbiq edilir. Artıq 1627 İİV-lə yaşayan insan bu terapiyaya cəlb olunub. Onlardan 326 nəfəri müalicəyə bu ilin 9 ayı ərzində başlayıb. Eyni zamanda RQMM-də dispanser qeydiyyatda olan xəstələrə müalicə və dəstəyin daha yüksək səviyyədə çatdırılması üçün respublikanın 6 rayonunda ART mərkəzləri yaradılıb.

Məqalədə:
Xəbər lenti

Xəbər lenti