Azərbaycan, Bakı, 18 noyabr /Trend, müxbir R.Hafizoğlu/
İstanbuldakı Ayasofya muzeyi məscid kimi fəaliyyət göstərməlidir.
Trend-in bazar ertəsi "Haber7" telekanalına istinadən verdiyi məlumata görə, bu barədə Türkiyənin müxalif Milliyyətçi Hərəkat Partiyasının sədr müavini, ölkə parlamentinin deputatı Yusif Halaçoğlu bildirib.
Onun sözlərinə görə, Türkiyədə elə qüvvələr var ki, onlar Ayasofya muzeyinin məscid kimi fəaliyyət göstərməsini istəmirlər.
Bir müddət əvvəl Yusif Halaçoğlu Ayasofya muzeyinə məscid statusunun qaytarılması təklifi ilə çıxış etmişdi.