İlk xəbər 13:09-da yayılıb
Azərbaycan, Bakı, 16 aprel /Trend, müxbir E.İsmayılov/
Bakı Metropoliteninin Əhmədli stansiyasında günorta saatlarında sərnişinlər arasında təşviş yaşanıb. Hadisə şahidlərinin Trend-ə verdiyi məlumata görə, qatar tuneldə olarkən texniki nasazlıq yaranıb.
Bakı Metropolitenindən Trend-ə Əhmədli stansiyasında problemin yarandığını təsdiqləyiblər.
Məlumata görə, avtomatik idarəetmə sistemində baş verən nasazlığa görə qatar 7 dəqiqə tuneldə qalıb.
Problem aradan qaldırılıb, qatarların hərəkəti bərpa edilib.