Bakı-Trend:
10 aprel 2015-ci il tarixdə Xətai rayonu, Zığ yolu küçəsi 16 ünvanında yerləşən hündürmərtəbəli yaşayış binasında baş vermiş yanğınla bağlı cinayət işi üzrə istintaq tamamlanaraq Bakı Ağır Cinayətlər Məhkəməsinə göndərilib.
Trend-in əldə etdiyi məlumata görə, binaların üzlənməsində istifadə olunan "poliuretan" məmulatını istehsal edən və həmin tikinti materialı ilə təmir işlərini aparan "TNH" məhdud məsuliyyətli cəmiyyətinin faktiki rəhbəri Fərid Sadıqova, həmin MMC-nin direktoru Zaur Əşrəfova, direktor müavini Nüsrət Muxtarova Cinayət Məcəlləsinin 225.2 və 308.2-ci maddələri ilə ittiham elan edilib.
Qeyd edək ki, cinayət işinin istintaqı Baş Prokurorluğun Ağır cinayətlərə dair işlər üzrə istintaq idarəsində aparılıb.