Bakı. Hüseyn Vəliyev, Ləman Zeynalova - Trend:
Bakıdakı IV İslam Həmrəyliyi Oyunları möhtəşəm keçir. Bunu Trend-ə Uqandanı İslam Həmrəyliyi Oyunlarında təmsil edən idmançı Artur Nuvaqaba deyib.
Onun sözlərinə görə, Azərbaycan bu cür turnirlərin keçirilməsində böyük təcrübəyə malikdir. İdmançı deyib: “Hər şey yüksək səviyyədə təşkil olunub. Atletlər kəndində idmançılar üçün əla şərait yaradılıb”.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.