...

Kamran İmanov: Köçürmələrə görə məhv olmuş nüsxələri, kitabları bərpa etmək üçün avadanlıq və vəsait lazımdır

Cəmiyyət Materials 6 Noyabr 2018 13:52
1930-cu ildən fəaliyyət göstərən Respublika Elmi-Texniki Kitabxanasında köçürmələrə görə məhv olmuş nüsxələri, kitabları bərpa etmək, onları yeni standartlara uyğunlaşdırmaq üçün avadanlıq və vəsait lazımdır.
Kamran İmanov: Köçürmələrə görə məhv olmuş nüsxələri, kitabları bərpa etmək üçün avadanlıq və vəsait lazımdır

Trend-i buradan izləyin

Bakı. İlhamə İsabalayeva – Trend:

1930-cu ildən fəaliyyət göstərən Respublika Elmi-Texniki Kitabxanasında köçürmələrə görə məhv olmuş nüsxələri, kitabları bərpa etmək, onları yeni standartlara uyğunlaşdırmaq üçün avadanlıq və vəsait lazımdır.

Trend-in məlumatına görə, bunu Milli Məclisin Mədəniyyət, Əmək və sosial siyasət, Ailə, qadın və uşaq məsələləri, Elm və təhsil, Səhiyyə komitələrinin birgə iclasında çıxış edən Əqli Mülkiyyət Agentliyinin rəhbəri Kamran İmanov deyib.

Onun sözlərinə görə, Respublika Elmi-Texniki Kitabxanasının vəziyyəti qənaətbəxş deyil: "Bu kitabxananın vəziyyəti bir o qədər də ürəyəyatan deyil. Dövlət başçısının səyləri nəticəsində kitabxanaya böyük bir bina verilib. Lakin köçürülmələrə görə məhv olmuş nüsxələri, kitabları bərpa etmək, onları yeni standartlara uyğunlaşdırmaq üçün müəyyən avadanlıq və vəsait lazımdır. Hesab edirəm ki, növbəti ilin büdcəsində bunları nəzərə almaq lazımdır”.

Əqli Mülkiyyət Agentliyinin Prezident İlham Əliyevin sərəncamı ilə yaradılan yeni qurum olduğunu nəzərə çatdıran Kamran İmanov qeyd edib ki, ləğv edilmiş Müəllif Hüquqları Agentliyi, Standartlaşdırma, Metrologiya və Patent üzrə Dövlət Komitəsinin Patent və Əmtəə Nişanları Mərkəzi və Respublika Elmi-Texniki Kitabxanası birləşərək Əqli Mülkiyyət Agentliyi vahid struktur kimi formalaşıb:

“Respublika Elmi-Texniki Kitabxana istisna olmaqla, bütün bu strukturlar yeni təşkilati-hüquqi forma üzrə fəaliyyət göstəririlər, yəni onlar publik hüquqi şəxslərdir. Bu da mütərəqqi idarəetmə formasıdır. Bu forma büdcəyə qənaət gətirir. Digər tərəfdən bu, strukturlara yeni imkanlar yaradır”.

K.İmanov əlavə edib ki, Davos İqtisadi Forumunun son hesabatına görə, Azərbaycan əqli mülkiyyətin qorunmasına görə dünyada 36-cı yeri tutur.

Məqalədə:
Xəbər lenti

Xəbər lenti