.jpg)
Bakı. Elçin Mehdiyev – Trend:
Bu gün keçirilən bələdiyyə seçkilərində seçici fəallığının ən yüksək və ən aşağı olduğu seçki dairələri bəlli olub.
Trend-in məlumatına görə, saat 12:00-a olan məlumata əsasən, seçici fəallığının ən yüksək olduğu dairə 2 saylı Şərur Seçki Dairəsidir.
Bu seçki dairəsində seçici fəallığı 27,60 faiz olub.
Seçici fəallığının ən aşağı olduğu dairə 47 saylı Mingəçevir Seçki Dairəsidir. Bu seçki dairəsində seçici fəallığı 13,01% olub.
Qeyd edək ki, saat 12:00 olan məlumata görə, 4 milyon 972 min 356 seçicidən 898 542 nəfəri (18.07%) səsvermədə iştirak edib.