Bakı. Elçin Mehdiyev - Trend:
Cari ilin yanvar ayında Ədliyyə Nazirliyinin rayon (şəhər) qeydiyyat şöbələri tərəfindən 11 279 doğulan körpə qeydə alınıb və əhalinin hər 1000 nəfərinə bu göstərici 13,4 təşkil edib.
Trend-in məlumatına görə, körpələrin 336-sı əkiz, 6-sı isə üçəm doğulanlardır.
2020-ci ilin yanvar ayı ərzində ölkədə 5177 ölüm halı qeydə alınıb və əhalinin hər 1000 nəfərinə ölüm səviyyəsi 6,1 təşkil edib.
Ümumilikdə Azərbaycan üzrə əhalinin sayı ilin əvvəlindən 6130 nəfər və ya 0,1 faiz artaraq 2020-ci il fevral ayının 1-i vəziyyətinə 10 073 238 nəfərə çatıb.