Bakı. İlhamə İsabalayeva - Trend:
Azərbaycanda koronavirusun mövcudluğuna inanmayanların sayı çoxluq təşkil etmir.
Trend-in məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın bu gün keçirilən brifinqində deyib.
Onun sözlərinə görə, ölkədə virusa inanmayanlar da var: “Bu istiqamətdə maarifləndirici tədbirlər görülməlidir ki, insanlar ona inansınlar. İnanmamaqla özümüzü və yaxınlarımızı risk qarşısında qoya bilərik”.