Bakı. Samir Əli - Trend:
Respublika Neyrocərrahiyyə Xəstəxanasına yeni direktor təyin edilib.
Bu barədə Trend-ə Tibbi Ərazi Bölmələrinin İdarəetmə Birliyindən məlumat verilib.
Məlumata görə, bu barədə birlik rəhbəri Ramin Bayramov avqustun 7-də əmr imzalayıb. Əmrə əsasən Həsənov Fərhad Rüfət oğlu xəstəxananın direktoru vəzifəsinə təyin edilib.
Xatırladaq ki, bir müddət əvvəl adıçəkilən xəstəxananın direktoru Kabus Dadaşov vəzifəsindən azad olunmuşdu.