Bakı. Trend:
Hər bir uşağın müdafiə olunmaq, qayğı görmək hüququ var. Onlar zorakılıq, istismar kimi hallardan qorunmalıdırlar.
Trend-in məlumatına görə, bunu UNICEF-in Azərbaycandakı nümayəndəsi Aleks Haykens deyib.
O bildirib ki, uşaqlar ailə münaqişələri zamanı müdafiəsiz qalırlar.
"Onların ailə üzvləri ilə münasibətlərinin qırılması zamanı bu kimi hallar yaşanır. UNİCEF uşaqların hüquqlarının pozulmasının qarşısını almağa çalışır. Hər bir uşağın hüququnun qorunması üçün əlimizdən gələni edirik. Sektorlararası münasibətlərin yaxşılaşdırılması üçün UNİCEF Azərbaycanda aidiyyəti qurumlarla sıx əməkdaşlıq edir. Bu istiqamətdə müxtəlif layihələrin işlənməsinə diqqət göstərilməlidir",- A.Haykens bildirib.
