Qara dəniz iqtisadi əməkdaşlıq təşkilatına (QİƏT) üzv ölkələrin turizm nazirləri martın 31-də Yunanıstanda keçiriləcək görüşdə əməkdaşlığın inkişaf perspektivlərini müzakirə edəcək. Bu barədə Trend ə təşkilatın katibliyindən məlumat verilib.
Görüş zamanı nazirlər əməkdaşlığın inkişaf prioritetlərini müzakirə edəcək və bu prioritetlərin əhəmiyyətini müəyyən edən Rodos bəyannaməsini nəzərdən keçirəcək.
Görüşdə təşkilata daxil olan 11 ölkənin - Azərbaycan, Türkiyə, Albaniya, Ermənistan, Bolqarıstan, Yunanıstan, Gürcüstan, Moldova, Rumıniya, Ukrayna və Rusiyanın turizm nazirlərinin iştirakı planlaşdırılır.
Görüşdə Azərbaycanı mədəniyyət və turizm naziri Əbülfəz Qarayevin təmsil edəcəyi gözlənilir.
Görüş turizm üzrə İşçi Qrupunun iclasından sonra keçiriləcək.
