...

NK-nın onkoloji xəstəlikləri olan məhkumların müalicəsi ilə bağlı təsdiqlədiyi yeni qaydalarla köhnə qaydalar arasında prinsipial fərq yoxdur

Cəmiyyət Materials 28 Dekabr 2006 18:01

Trend-i buradan izləyin

Nazirlər Kabinetinin (NK) onkoloji xəstəlikləri olan məhkumların müayinəsi və müalicəsi ilə bağlı təsdiqlədiyi yeni qaydalarla köhnə qaydalar arasında prinsipial fərq yoxdur. Bu barədə Trend ə Azərbaycan Respublikası Ədliyyə Nazirliyinin Səhiyyə İdarəsinin rəisi Rəfail Mehtiyev məlumat verib.

R.Mehtiyev bildirib ki, məhkumlara onkoloji yardımlar yeni qaydalara görə də əvvəlki kimi məhkumlar üçün nəzərdə tutulmuş müalicə müəssisələrində və tibbi-sanitariya hissələrində həyata keçiriləcək. Onkoloji xəstəlikdə şübhəli bilinərək tibbi-sanitariya hissəsinə göndərilən şəxslər klinikal, laborator, funksional-diaqnostik müayinə, həkim-onkoloq məsləhəti ilə təmin olunacaq.

"Diaqnozu dəqiqləşən məhbusa həkimin təyinatı əsasında sitostatik kimya terapiyası və cərrahiyyə əməliyyatı aparıla bilər" - deyə səhiyyə idarəsinin rəisi vurğulayıb.

R.Mehtiyevin sözlərinə görə, məhkum yalnız müvafiq tibbi avadanlıq olmadığı halda Səhiyyə Nazirliyinin tabeliyində olan tibb müəssisələrinə köçürülə bilər. Onkoloji xəstəliyi olan məhkumun müalicəsi üçün nəzərdə tutulan dərman preparatlarının siyahısında da prinsipial dəyişiklik yoxdur.

Xəbər lenti

Xəbər lenti