Azərbaycan, Bakı, 28 yanvar /Trend/
"Barselona"nın argentinalı hücumçusu Lionel Messi daha bir rekorda imza atıb.
Trend-in İTAR-TASS-a istinadən verdiyi məlumata görə, Messi İspaniya çempionatında ardıcıl 11 oyunda qol vuran ilk futbolçudur.
Dünən ölkə çempionatının son turunda katalonlar "Osasuna"ya 5:1 hesabı ilə qalib gəliblər. Messi bu oyunda poker edib.
Beləliklə argentinalının İspaniya çempionatında vurduğu qolların sayı 201-ə çatıb.
Qeyd edək ki, Messi komandasının "Osasuna"ya qarşı keçirdiyi 14 oyunun 13-də meydandan qolla ayrılıb.