Bakı. Elçin Mehdiyev – Trend:
UEFA Çempionlar Liqasının qrup mərhələsi çərçivəsində sentyabrın 27-də “Qarabağ” - "Roma" oyununa biletlər yalnız şəxsiyyət vəsiqəsi ilə satılır.
“Qarabağ” futbol klubunun mətbuat xidmətinin rəhbəri Nurlan İbrahimov Trend-ə bildirib ki, bir nəfərin bir neçə nəfər üçün bilet alması ilə bağlı hər hansı məhdudiyyət yoxdur:
“Ancaq əsas odur ki, şəxsiyyət vəsiqələri qaydasında olsun”.
N.İbrahimov vurğulayıb ki, onlayn bileti aldıqdan sonra vauçeri biletə çevirmək üçün də şəxsiyyət vəsiqəsi tələb olunacaq.
