Bakı. Cani Babayeva - Trend:
Buenos-Ayresdə keçirilmiş yeniyetmələr arasında 3-cü Yay Olimpiya Oyunlarında iştirak mənim üçün böyük şərəfdir.
Bunu Trend-ə azərbaycanlı gimnast Səməd Məmmədli Olimpiya Oyunlarının qalibləri və iştirakçılarının qarşılanması mərasimi zamanı deyib.
Olimpiya Oyunlarında idman gimnastikası yarışlarında iştirak edən S.Məmmədli bildirib: “Təəssüf ki, mən istədiyim kimi çıxış edə bilmədim. Yəqin ki, həyəcan özünü büruzə verdi. Amma buna baxmayaraq, yarışlar mənim üçün böyük təcrübə oldu”.
Gimnast həmçinin idmançılar üçün yaradılmış şəraitə görə Azərbaycan Gimnastika Federasiyasına təşəkkürünü bildirib:
“Azərbaycan Gimnastika Federasiyası bizə çox dəstək göstərir. Bizim üçün bütün şərait yaradılıb”.
