Bakı. Trend:
Qabon millisinin və "Arsenal" klubunun futbolçusu Pyer-Emerik Obameyanqın ürəyində problemlər yaranıb.
Trend-in məlumatına görə, bu barədə Qabon Futbol Federasiyasının mətbuat xidməti bildirib.
Məlumata əsasən, Obameyanq yanvarın 6-da Qabon milli komandasının oyunlarına qoşulduğu zaman koronavirusa yoluxub. Afrika Futbol Konfederasiyasının qərarına əsasən, hücumçu, eləcə də Qabon millisinin futbolçuları Mario Lemina və Aksel Meyer Qana millisi ilə Afrika Millətlər Kubokunun 2-ci tur matçında iştirak etməyiblər.