Bakı. Orxan Nəbiyev - Trend:
Çinin paytaxtı Pekində keçiriləcək Qış Olimpiya Oyunlarına gələn nümayəndə heyətlərinin üzvlər arasında daha 6 nəfərdə koronavirusa yoluxma aşkar edilib.
Trend-in məlumatına görə, bu barədə Olimpiya Oyunlarının Təşkilat Komitəsi bildirib.
Qeyd olunub ki, ötən gün Pekinə 529 nəfər, o cümlədən 153 idmançı gəlib. Keçirilən PSR testləri nəticəsində biri idmançı olmaqla altı nəfərdə virus aşkar edilib.
Ötən gün 72 nəfərdə yoluxma qeydə alınmışdı.
Qeyd edək ki, 24-cü Qış Olimpiya Oyunları Pekində fevralın 4-dən 20-dək keçiriləcək.