Konya.Trend:
Azərbaycanın 3x3 basketbol komandası V İslam Həmrəyliyi Oyunlarında Türkiyə komandasına qalib gəlib.
Trend-in məlumatına görə, C qrupunda Türkiyə komandasına 21:12 hesabı ilə qalib gələn Azərbaycan komandası yarışın növbəti mərhələsinə yüksəlib.
Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Yarışlar avqustun 18-dək davam edəcək.
İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir. Yarışlar Konya şəhərinin 14 yerində keçirilir. Onların nəticələrinə görə, idmançılar 355 medalla təltif olunacaqlar.
