...

Bədən Tərbiyəsi və İdman üzrə Nazirlərin Bakıda keçiriləcək beynəlxalq konfransa hazırlıq məsələləri müzakirə olunub (FOTO)

İdman Materials 20 Mart 2023 20:52 (UTC +04:00)
Bədən Tərbiyəsi və İdman üzrə Nazirlərin Bakıda keçiriləcək beynəlxalq konfransa hazırlıq məsələləri müzakirə olunub (FOTO)

Bakı. Trend:

Bədən Tərbiyəsi və İdman üzrə Nazirlərin və Yüksək Vəzifəli Şəxslərin iyunun 26-29-da Bakıda keçiriləcək VII Beynəlxalq Konfransına hazırlıq məqsədilə martın 20-də Fransanın paytaxtı Paris şəhərində UNESCO-ya üzv ölkələrin Daimi nümayəndəliklərinin iştirakı ilə məlumatlandırma sessiyası baş tutub.

Gənclər və İdman Nazirliyindən Trend-ə verilən məlumata görə, 100-dək ölkə nümayəndəsinin iştirak etdiyi iclasın açılışında Azərbaycan Respublikasının gənclər və idman naziri, UNESCO-nun Bədən Tərbiyəsi və İdman üzrə Hökumətlərarası Komitəsinin sədri Fərid Qayıbov çıxış edib və mötəbər tədbirə hazırlıq prosesi barədə məlumat verib.

Görüşdə UNESCO Baş direktorunun sosial və humanitar məsələlər üzrə müavini Qabriela Ramos, eləcə də xüsusi qonaq qismində dəvət olunmuş tanınmış futbol veteranı, 1994-cü il dünya kubokunun sahibi Rai Souza Viyera de Oliveyra çıxış ediblər.

Tədbirdə həmçinin VII Beynəlxalq Konfransa hazırılıq, təşkilati məsələlər barədə, eləcə də Bakı şəhəri haqqında təqdimatlar olub.

Sonda Azərbaycanın YUNESKO-dakı daimi nümayəndəsi, səfir Elman Abdullayev qonaqları maraqlandıran sualları cavablandırıb.

Məqalədə:
Xəbər lenti

Xəbər lenti