Bakı. Trend:
Azərbaycanlı cüdoçu Xorvatiyanın Dubrovnik şəhərində keçirilən qadınlar arasında Avropa kubokunda bürünc medal qazanıb.
Trend-ə İdman.biz-ə istinadən xəbər verir ki, 63 kq çəki dərəcəsində yarışan Aytac Qardaşxanlı fəxri kürsüdə yer alıb.
Yarışın ilk günündə 3 çəkidə 3 cüdoçumuz medallar uğrunda mübarizə aparıb. Ramilə Əliyeva (48 kq) və Nərgiz Hacıyeva (57 kq) medalçılar sırasına düşə bilməyib.
Qeyd edək ki, bu gün start götürən turnir sabah başa çatacaq.