Bakı. Trend:
Bu gün Azərbaycan Premyer Liqasında daha iki oyun keçirilib.
Trend İdman.biz-ə istinadən xəbər verir ki, I turun ikinci günü Bakıda başlayıb.
Avrokuboklar da uğursuz startından sonra “Sumqayıt” evində “Kəpəz”i sınağa çəkib. Görüş meydan sahiblərinin 2:0 hesablı qələbəsi ilə yekunlaşıb.
Qolları Səbuhi Abdullazadə və Rəhim Sadıxov vurublar.
“Neftçi” “Turan Tovuz”u qəbul edib. Bu görüş əcnəbi mütəxəssislər Roman Qriqorçukla Kurban Berdıyevin dueli ilə əlamətdar olub. Amma bu mübarizədə qalib müəyyənləşməyib. Komandalar tablodakı sıfırları dəyişə bilməyiblər.
Qeyd edək ki, sabah yekun vurulacaq turun ilk günündə "Qarabağ" "Araz-Naxçıvan"a 4:1 hesabı ilə qalib gəlib.