Bakı. Trend:
Bu gün Azərbaycan Premyer Liqasında II tura yekun vurulub.
Trend İdman.biz-ə istinadən xəbər verir ki, turun son günündə iki matç baş tutub.
“Turan Tovuz” və “Sumqayıt” qərblilərin meydanında üz-üzə gəlib. Oyun ev sahiblərinin minimum hesablı qələbəsi ilə yekunlaşıb. Xəyal Nəcəfov yeganə qolun müəllifi olub.
Konfrans Liqasında yoluna davam edən “Sabah”la “Zirə” növbəti Bakı derbisində münasibətlərini aydınlaşdırıblar. Fasilədən sonra 3 dəqiqəqə 2 qol vuran qonaq komanda vacib qələbə qazanıb
Qeyd edək ki, növbəti turun matçları avqustun 16-18-də keçiriləcək.