Bakı. Trend:
"Formula-1" dünya çempionatına daha bir komandanın qoşulması ehtimalı gündəmdədir.
Trend xəbər verir ki, bu barədə Beynəlxalq Avtomobil Federasiyasının (FIA) prezidenti Mohammed ben Suleyman açıqlama verib. O, mövcud qaydaların icazə verdiyi təqdirdə yeni komandanın çempionata qatılmasını istisna etməyib:
"Əsas məsələ düzgün qərar qəbul etməkdir. Əgər qaydalar buna imkan verirsə, niyə yox deyək? Mən 11-ci komandanın çempionatımıza qoşulmasının hər kəsin marağında olduğunu söyləyə bilərəm."
Qeyd edək ki, 2026-cı ildən etibarən ABŞ-ın avtomobil markası "Cadillac" "Formula-1" çempionatına qoşulacaq 11-ci komanda olacaq. Bundan əlavə, son günlərdə daha bir avtomobil istehsalçısının çempionata qatılacağı ilə bağlı xəbərlər yayılıb.