Bakı. Trend:
UEFA Çempionlar Liqasının Liqa mərhələsində "Qarabağ"ın rəqibi olan "Napoli"yə xəbərdarlıq edilib.
Trend xarici KİV-ə istinadən xəbər verir ki, bu barədə qurumun mətbuat xidməti məlumat yayıb.
UEFA-nın xəbərdarlığının səbəbi Neapol təmsilçisinin 4-cü turun PSV ilə matçında (2:6) əxlaq davranışları qaydalarını pozmasıdır. Baş məşqçi Antonio Kontenin qayda pozuntularına yol verdiyi bildirilib.
Qeyd edək ki, "Qarabağ"ın "Napoli" ilə oyunu noyabrın 26-da İtaliyada keçiriləcək. Qarşılaşma Bakı vaxtı ilə saat 00:00-da start götürəcək.