Bakı. Trend:
İtaliyanın Milan şəhərində Qış Olimpiya Oyunlarının açılış mərasimi keçirilib.
Trend-in məlumatına görə, mərasim Milandakı "San Siro" stadionunda baş tutub.
Daha sonra 92 milli komandanın paradı keçirilib.
Azərbaycan nümayəndə heyəti paraddan 11-ci sırada keçib. Dövlət bayrağımızı dağ xizəkçisi Anastasiya Papatoma və fiqurlu konkisürən Vladimir Litvintsev daşıyıblar.
Qeyd edək ki, XXV Olimpiya Oyunları 22 fevrala qədər davam edəcək. Yarışlarda 92 milli komandadan 2900-dən çox idmançının iştirak edəcək.
xxx
23:43
İtaliyanın Milan şəhərində Qış Olimpiya Oyunlarının açılış mərasimi keçirilir.
Trend-in məlumatına görə, mərasim Milandakı "San Siro" stadionunda baş tutur.
İtaliya prezidenti Sercio Mattarellanın və Beynəlxalq Olimpiya Komitəsinin (BOK) prezidenti Kirsti Koventrinin açılış nitqi ilə çıxış edəcəyi gözlənilir.
BOK tərəfindən təhsil, mədəniyyət və idman vasitəsilə sülhün təşviqi sahəsindəki nailiyyətlərə görə təsis edilən Olimpiya Dəfnəsi mükafatlandırma mərasimi də keçiriləcək.
Daha sonra 92 milli komandanın paradı keçiriləcək.