Bakı. Trend:
Bu günədək Qarabağda 14 mindən artıq obyekt inventarizasiya olunub.
Trend-in məlumatına görə, bu barədə Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin rəisi Mətin Eynullayev 2022-ci ilin yekunlarına həsr edilmiş mətbuat konfransında deyib.
"Azərbaycanın işğaldan azad edilmiş ərazilərində inventarizasiya işləri davam edir. 2022-ci ildə Laçında və 7 ətrafyanı kənddə 1500-ə yaxın obyekt inventarizasiya olunub", - Xidmət rəisi əlavə edib.
Qeyd edək ki, Qarabağda inventarizasiya üzrə məlumat bazası “Azərkosmos” peyk operatoru vasitəsilə toplanmış materiallar əsasında yaradılır. Hazırda artıq yetərincə kadastr məlumatı toplanıb və proses davam edir.