Bakı. Trend:
Yaxın zamanda "yaşıl" maliyyə taksonomiyası Azərbaycan hökumətinin təsdiqinə təqdim ediləcək.
Trend xəbər verir ki, bu barədə Azərbaycan Respublikası Mərkəzi Bankının sədri Taleh Kazımov Bakıda "Yaşıl maliyyə və dayanıqlı inkişaf " mövzusunda keçirilən forumda bildirib.
Onun sözlərinə görə, Azərbaycan Mərkəzi Bankı 2023-cü ilin əvvəlində dayanıqlı maliyyələşdirmənin inkişafına dair yol xəritəsini artıq təsdiqləyib.
"Bu istiqamətdə atılan ilk addımlardan biri "yaşıl" maliyyə taksonomiyasının yaradılması oldu. Sənəd artıq hazırdır və dövlət orqanları, investorlar, beynəlxalq maliyyə institutları və sektor assosiasiyaları ilə müzakirə edilib. Yaxın zamanda taksonomiya hökumətin təsdiqinə təqdim ediləcək", - o bildirib.
Xəbər yenilənəcək