Bakı. Trend:
Bu ilin yanvar-fevral aylarında Azərbaycana 335 min ABŞ dolları dəyərində gəmilər, qayıqlar və üzən konstruksiyalar idxal olunub.
Bu barədə Trend Dövlət Gömrük Komitəsindən məlumat əldə edib.
Məlumata əsasən, bu göstərici 2024-cü ilin eyni dövrü ilə müqayisədə 46 min ABŞ dolları və ya 12,1% azdır.
Belə ki, ötən ilin ilk iki ayında ölkəyə 381 min ABŞ dolları dəyərində gəmilər, qayıqlar və üzən konstruksiyalar idxal edilmişdi.
Hesabat dövründə sözügedən vasitələrin idxalı ölkənin ümumi idxalında 0,01% paya malik olub.
Eyni zamanda, cari ilin ilk iki ayında Azərbaycandan 763 min ABŞ dolları dəyərində gəmilər, qayıqlar və üzən konstruksiyalar ixrac olunub ki, bu da 2024-cü ilin eyni dövrü ilə müqayisədə 756 min ABŞ dolları və ya 109 dəfə çoxdur.
Hesabat dövründə sözügedən vasitələrin ixracı ölkənin ümumi ixracında 0,02% paya sahib olub.