Bakı. Trend:
2025-ci ildə Azərbaycanda pərakəndə ticarət şəbəkəsində istehlakçılara 1,684 milyard manatlıq əczaçılıq məhsulları və tibbi ləvazimatlar satılıb.
Trend bu barədə Dövlət Statistika Komitəsindən məlumat əldə edib.
Məlumata əsasən, bu göstərici 2024-cü illə müqayisədə 21,3% çoxdur.
Sözügedən məhsullar üzrə ticarət dövriyyəsinin yekunda xüsusi çəkisi 2,4% təşkil edib.
Qeyd edək ki, 2025-ci ildə pərakəndə ticarət şəbəkəsində istehlakçılara 67,6 milyard manatlıq, o cümlədən 36,9 milyard manatlıq ərzaq məhsulları, içkilər və tütün məmulatları, 30,7 milyard manatlıq qeyri-ərzaq malları satılıb.
2024-cü illə müqayisədə pərakəndə ticarət dövriyyəsi real ifadədə 3,8 faiz, o cümlədən ərzaq məhsulları, içkilər və tütün məmulatları üzrə 1,2 faiz, qeyriərzaq malları üzrə 6,8 faiz artıb.