Xaçmazda daha bir yaşayış məntəqəsinə təbii qaz veriləcək
Azərbaycan, Xaçmaz / Trend müxbir A.Qafarov/ Xaçmaz rayonunun daha bir yaşayış məntəqəsinə bu gündən təbii qaz veriləcək, cümə günü Trend ə Xacmaz rayon Qaz İstismar İdarəsinin rəisi Böyukaga Qurbanov bildirib.
Rayonun Ləcəd kəndi 1988-ci ildə qazlaşdirilsa da, üstündən 5 il keçdikdən sonra 1993-cü ildə əraziyə mavi yanacağın verilməsi dayandırılıb. 14 ildən sonra kəndin 480 abonenti yenidən təbii qazdan istifadə edə biləcək.
Qurbanov deyib ki, Xacmazda abonentlərin ümumi sayi 15 min 826-ya çatır. Hazırda rayonda iki şəhər və qəsəbə, əlavə olaraq 15 kəndin əhalisi təbii qazdan istifadə edir. Onun sözlərinə görə, Xaçmazda istifadə etdikləri təbii qaza görə yığım 55 faizi ötub.
Xaçmaz paytaxt Bakıdan 270 kilometr şimalda yerləşir.
