Azərbaycan, Bakı/ Trend , müxbir İ.Xəlilova/ Asiya İnkişaf Bankında Kapital bazarları ilə əməliyyatlar üzrə Divizion 2008-ci ildə əməkdaşlıq üçün prioritet ölkələr kimi Azərbaycan və Çini təsdiqləyib. Bu barədə cümə günü Divizionun Bakıda olan rəhbəri Vilyam Uilyams məlumat verib. Onun sözlərinə görə, Azərbaycanın özəl sektoru ilə əməkdaşlıq AİB-in Qafqaz və postsovet ölkələrinə strateji marağı kontekstində prioritet hesab edilir. Biz, maliyyə sektoruna transaksiyalarda maraqlıyıq və hazırda yerli banklarla danışıqlar aparılır" -Uilyams bildirib. Asiya İnkişaf Bankı Azərbaycanın bank sektoru üzrə portfelini 120 mln. dollaradək artırmaq haqqında planlarını bəyan edib. AİB nümayəndələrinin sözlərinə görə,bu məbləğ 2008-ci ilin mayınadək istifadə edilə bilər. AİB-də Azərbaycan bankları üçün 51 mln. dollar kredit xətti təsdiqlənib.
...