Azərbaycan, Bakı, 04 fevral / Trend , müxbir İ.Xəlilova / Azərbaycan Respublikası Dövlət Əmlakının İdarə Edilməsi üzrə Dövlət Komitəsi, dövlət payının 10 faizinin hərrac vasitəsilə fiziki şəxslərə satışını elan edib.
"Kapital Bank" ASC-nin Nizamnamə kapitalındakı dövlətə məxsus səhmlərin özəlləşdirilməsinə dair (qalan 50 faiz dövlət payının satılması haqqında) prezidentin 19 oktyabr 2007-ci il tarixli sərəncamına əsasən qərar qəbul edilib. Ötən il dövlət payının 50 faizi xüsusi mülkiyyətə keçib. Dövlət Bankının yeni səhmdarları "AtaHolding" (səhmlərin 20 faizi), "Xalq Bank" (20 faiz) və "Azersun Holding"dir (10 faiz).
Hərrac iştirakçılarının təkliflərinin qiymətləndirilməsi ikinci mərhələ çərçivəsində aprelin 10-da baş tutacaq. Martın 5-dək təkliflər qəbul edilir və müsabiqə haqqında əlavə məlumat verilir. Aprelin 7-dək, məxfilik haqqında müqavilə bağlayan, iştirakçı statusu alan investorlar, bank haqqında məlumatla tanış ola bilərlər. Hərracda iştirak etmək niyyətinin ciddiliyini təsdiq etmək məqsədilə, iddiaçılar 1 min manat ödəməlidirlər. Hərracda iştirakçı statusu qazanması barədə bildiriş almış iddiaçılar, sifariş verldikləri səhm zərflərinin ümumi nominal dəyərinin 10 faizi məbləğində beh ödəməlidirlər.
Hərraca 120 min səhm çıxarılır, ümumi dövlət payı isə 1,2 mln. təşkil edir. Səhmlərin nominal dəyəri 10 manat təşkil edir. Səhmlər 20 paketdə təşkil edilib, hər birinin dəyəri 6 min manatdır.
Müsabiqənin qalibi, cəlb edilmiş məsləhətçi şirkəin müvafiq bank hesabına almaq üçün sifariş verdiyi hər bir səhm zərfinə $1 710,53 ödəməlidir.
Fiziki şəxslərə səhmlərin satışı "banklar haqqında" Qanunun tələblərinə əsasən həyata keçirilir.
Hərrac iştirakçısı 10 faiz və daha artıq səhmlərə malik olduqda, o cümlədən Azərbaycandakı fəaliyyəti haqqında (qeyri - rezident fiziki şəxslərə aiddir), maliyyə-bank sistemində iş təcrübəsi, sahibkarlıq fəaliyyəti haqqında hüquqi şəxs kimi məlumat verməlidir.
2008-ci il yanvarın 1-nə görə, "Kapital Bank"ın aktivləri 249 466 min manat təşkil edir. Bankın öhdəliyi 209 555 min manat dəyərində formalaşıb. Bankın 2458 min əməkdaşı var.
"Kapital Bank"ın kapitalının dövlət payından səhmlərin 85 faizini hüquqi şəxslərə və 5 faizini əmək kollektivnə satmaq üçün hərrac elan edilib.