Azərbaycan, Bakı, 07 fevral/ Trend , müxbir İ.Xəlilova/ Almaniyanın Commerz Bank-ı gələcəkdə bu həftə Azərbaycanda açılan nümayəndəliyin statusunu dəyişməyi planlaşdırır və bu, biznesin uğurundan asılıdır. Bankın idarə heyətinin üzvü Martin Blessinq (Martin Blessing) cümə axşamı mətbuat konfransında bildirib.
"Bizim belə təcürbəmiz var. Yaxınlarda bankın ilkin olaraq ofis kimi təmsil olunduğu Dubayda Commerz Bank-ın törəmə şirkəti açılıb", -Blessinq bildirib.
Onun sözlərinə görə, böyüklüyünə görə, Almaniyanın ikinci bankı olan Commerz Bank MBD ölkələrinə, o cümlədən Azərbaycana investisiya yatırmağa hazırdır. Lakin ilk əvvəl ölkənin bazarı ilə tanış olmaq istəyir. Bundan əlavə, bankın Bakı nümayəndəliyi Azərbaycan və Almaniya arasında biznes-əlaqələrin dərinləşməsinə yardım etmək niyyətindədir.
"Azərbaycanın zəngin təbii ehtiyatları, rəqabət qabiliyyətli mühiti və iqtisadiyyatının yüksək artım templəri var. Bu üç amilbizim Azərbaycana gəlməyimizə əsas olub", - Blessinq bildirib.
O, Azərbaycan banklarında iştirak payının alınmasını istisna etməyib. "Bizim Kiyevdə belə təcrübəmiz var. Orada biz bir banka $600 mln. yatırmışıq.", - Blessinq deyib.