Azərbaycan, Bakı, 28 fevral / Trend , müxbir İ.Xəlilova / Daşınmaz əmlakın vahid qeydiyyat və kadastr sisteminin yaradılması layihəsinin qiymətləndirilməsi üçün, Almaniyanın KfW inkişaf bankı mart ayında missiyasını Azərbaycana göndərəcək. Bu barədə cümə axşamı KfW-nin Bakı ofisinin rəhbəri Natiq Abdullayev bildirib. KfW bu layihəyə 2,5 mln. avro güzəştli kredit və benefis təşkilatın institutlaşdırılması üçün 1 mln. avro qrantın ayrılmasına hazır olduğunu bildirib.
"Layihənin qiymətləndirilmə əhəmiyyəti onun ölkə əhalisi üçün effektliyinin Almaniyanın İqtisadi Əməkdaşlıq və İnkişaf Nazirliyi qarşısında əsaslandırılmasından ibarətdir. Layihə təsdiq olnumaq üçün məhz bu Nazirliyə göndəriləcək" - deyə Abdullayev bildirib.
Bank yanvar ayında Azərbaycanın daşınmaz Əmlakın Dövlət Reyestr Xidməti ilə qarşılıqlı anlaşma protokolu imzalayıb. Razılaşmaya əsasən, ötən ilin oktyabr ayında KfW tərəfindən aparılan araşdırmalar əsasında, layihənin reallaşdırılması konsepsiyası hazırlanacaq. Onun hazırlanmasına 6-8 ay, bu məqsədlər üçün isə, layihə vəsatinin sərf olunmaması üçün digər mənbələrdən əlavə vəsait ayrılacaq.
Abdullayevin sözlərinə görə, layihə torpaq, sahə və daşınmaz əmlak qeydiyyatının aparılması üçün Gəncə və Şəki rayonlarında sistemli kadastr qeydiyyatının aparılmasını nəzərdə tutur. Geodeziya tədqiqatları əsasında onların dəqiq koordinatları kadastr xəritəsinə daxil ediləcək.
Daşınmaz əmlakın qeydiyyat layihəsi, artıq reallaşdırılmasına başlanan Dünya Bankının (DB) analoji layihəsindən məhz geodeziya tədqiqatlarının aparılmasına yanaşma və bütün torpaq sahələri və daşınmaz əmlak koordinatlarının dəqiqləşdirilməsi ilə fərqlənəcək.
DB-nın bütün Azərbaycan ərazisinin 40 faizini əhatə edəcək qeydiyyat layihəisnə gəldikdə isə, bu, alqı və ya satqı zamanı həyta keçiriləcək. Azərbaycanda daşınmaz əmlakın qeydiyytı üzrə DB layihəsinin dəyəri 38,57 mln. dollar təşkil edir. Bu məbləğin 30 mln. dolları bank kreditinin payına düşür.
KfW layihəsinin əsas mərhələsinin reallaşdırılması üçün 30 ay tələb olunur.
Müəlliflə əlaqə saxlamaq üçün elektron ünvan : [email protected]
