...

Azərbaycanın regionunda daşınmaz əmlak üzrə qiymətlərdə növbəti artım gözlənilir

Biznes və iqtisadiyyat xəbərləri Materials 5 Mart 2008 15:50 (UTC +04:00)

Azərbaycan, Lənkəran, 05 mart / Trend , müxbir P.Əliyeva/ Lənkəranda alqı-satqı ilə məşğul olan "Elnur" MMC-nin direktoru Mirzə Əliyev hesab edir ki, MDB ölkələrində müvəqqəti yaşayan vətəndaşların vətənlərinə qayıtması səbəbindən Lənkəranda daşınmaz əmlak üzrə qiymətlərin martın ortalarında yenidən artması gözlənilir.

Həmin vətəndaşlar vətənlərinə qayıtdığı zaman daşınmaz əmlak alınmasında fəallıq göstərirlər.

Əliyevin sözlərinə görə, hazırda Lənkəranın mərkəzi hissəsində bir otaqlı mənzilin qiyməti 30-35, iki-üç otaqlı mənzilin qiyməti isə 50-70 min dollardır. Şəhərin mikrorayon yaşayış massivində isə bir otaqlı mənzilin qiyməti 17-23 min, iki-üç otaqlı mənzilin qiyməti isə 27-40 min dollardır. Həyət evlərinin qiyməti ("Həyət evləri sistemi ilə") 50-300 min dollar civarındadır.

"Bir neçə ay bundan əvvəl analoji obyektlərin qiyməti üç dəfə ucuz olub" - deyə Əliyev bildirib.

Xəbər lenti

Xəbər lenti