Azərbaycan, Bakı, 06 mart / " Bank Respublika MasterCard, Maestro və VISA plastik kart müştəriləri arasında "Malta Səyahəti" yeni uduş kampaniyası keçirməyə başlayıb. Bu barədə Bankın cümə axşamı yayılan məlumatında bildirilir.
Kampaniyanın əsas mükafatı 7 günə 2 nəfərlik Malta səyahətidir. 11 əlavə mükafat isə, 1 noutbuk və 10 ədəd iPod Touch audio-video pleyerindən ibarətdir.
Cari il martın 1 -dən iyunun 1 -dək "Bank Respublika"nın plastik kartları ilə ən azı 20 manat, ABŞ dolları və ya avro həcmində aparılan hər əməliyyat avtomatik olaraq 1 şans kimi qeyd olunur. Kampaniyanın qalibləri bu iliyunun 20 - də keçiriləcək lotereya oyununun nəticəsində müəyyən olunacaq.
"Bank Respublika" müştərilərə MasterCard və VISA plastik kartlarını pulsuz və illik xidmət haqqı olmadan təklif edir. "Bank Respublika" kartlar üzrə iş yerindən arayış əsasında girovsuz və zaminsiz 200 -dən 5000 -dək AZN / USD / AUR məbləğində 45 günədək faizsiz kredit xətti almaq imkanı da verir. Bank, həmçinin, kartlar üzrə Home Banking, Card-to-Card, MobilBank və sair əlavə xidmətlər də göstərir.
"Bank Respublika" plastik kartlarının sahibləri Azərbaycanın müxtəlif satış-xidmət müəssisələrində mal və xidmətlərə endirimlərdən istifadə edə bilər. Bank Respublika-nın diskont proqramı üzrə mal və xidmətlərə görə endirim əldə etmək üçün kartla nağdsız ödəniş aparmaq məcburi deyil, kartı tərəfdaş satış-xidmət müəssisəsində göstərmək kifayətdir.
Müəlliflə əlaqə ünvanı : [email protected]