Azərbaycan, Bakı, 21 aprel / " Azərbaycanın Standartlaşdırma, Metrologiya və Patent üzrə Dövlət Agentliyi Azərbaycan Mühəndislik Akademiyasının Qida məhsulları və ərzaq xammallarının sertifikatlaşdırılması üzrə orqanının akkreditasiya attestatını ləğv edib. Agentliyin verdiyi məlumata görə, aprel ayında təşkilatda yoxlama aparılıb və sertfikatlaşdırma sahəsində çatışmazlıqlar aşkar olunub. Agentliyin 11 aprel tarixli qərarı ilə ötən ilin avqust ayında təşkilata verilən akkreditasiya attestatı ləğv edilib.
Azərbaycanın Standartlaşdırma, Metrologiya və Patent üzrə Dövlət Agentliyi ölkə prezidentinin fərmanına əsasən 2001-ci ilin dekabr ayında yaradılıb.
Agentlik, İcra Hakimiyyətinin standartlaşdırma, metrologiya, sertifikatlaşdırma və sənaye mülkiyyəti obyektlərinin mühafizəsi sahəsində dövlət siyasəti aparan və formalaşdıran mərkəzi orqanıdır.