Azərbaycan, Bakı, 25 aprel/ Trend müxbir İ.Əlizadə/ Bakı şəhərinin nəqliyyat infrastrukturunun təkmilləşdirilməsi proqramının birinci mərhələsi bu ilin sentyabrında başa çatacaq. Bu vaxtadək metronun "Məşədi Əzizbəyov" stansiyasının qarşısında, "Babək" və "Məhəmməd Hadi" ("Xalqlar Dostluğu" metro stansiyası yaxınlığında) küçələrinin kəsişməsində, "Ekselsior" mehmanxanasının qarşısında körpü və yol ötürücülərini istismara vermək nəzərdə tutulur. Bu barədə cümə günü "Azəryolservis" ASC-nin rəhbəri Cavid Qurbanov məlumat verib.
Azərbaycanın Nəqliyyat Nazirliyi bu il mayın əvvəlində Bakıda iki böyük yol ötürücüsün istismara vermək niyyətindədir. "Babək" və "Məhəmməd Hadi" ("Xalqlar Dostluğu" metro stansiyası yaxınlığında) küçələrinin kəsişməsindəki körpü istismara veriləcək. Bu körpünün uzunluğu 1410 metrdir. Onun tikintisi bu rayonda nəqliyyat infrastrukturunu boşaltmağa və bu sahədə baş verən avtomobil tıxaclarını aradan qaldırmağa imkan verəcək.
Bundan əlavə, mayda "Ekselsior" mehmanxanasının qarşısındakı yol ötürücüsünü istismara vermək nəzərdə tutulub. Bu ötürücünün ümumi sahəsi 2000 metrdir. O, beş körpüdən, iki tunneldən, yenidən qurulmuş iki dəmir yolu körpüsündən ibarətdir.
Metronun "Məşədi Əzizbəyov" stansiyasının qarşısındakı yol ötürücüsü sentyabradək istismara veriləcək. Yol ötürücüsü ümumilikdə doqquz körpü və 11 trassı özündə birləşdirir. Yol ötürücüsünün ümumi sahəsi 3600 metrdir. Bakıda ilk dəfə olaraq, burada asma körpü qurulacaq. Sahəsi 325 metr olan bu körpü iki dayaq üzərində yerləşəcək. O, hava limanına aparan avtomobil yolunun üzərindən asılacaq.
Bütün işlər Azərbaycan prezidentinin "2006-2007-ci illərdə Bakı şəhərində nəqliyyat sisteminin təkmilləşdirilməsi haqqında" sərəncamına üzrə Bakının nəqliyyat infrastrukturunun boşaldılması layihəsi çərçivəsində həyata keçirilir.
2008-ci ildə körpü, keçid, tunnel və yeraltı avtomobil dayanacaqlarının tikintisi proqramı davam etdiriləcək. Hazırda o, təsdiq edilmək üçün ölkə rəhbərliyinə verilib. Bu proqram çərçivəsində 14 yeni körpünün və yol ötürücüsünün, 7 çoxmərtəbəli avtomobil dayanacağının, 30 piyada keçidinin, 96 km yolun tikmək nəzərdə tutulur.
