Azərbaycan, Bakı, 29 aprel/ Trend müxbir İ.Xəlilova/ Azərbaycan İxrac və İnvestisiyaların Təşviqi Fondu (AZPROMO) ölkədənin meyvə bazarında istehsalın vəziyyətinin qiymətləndirilməsi üçün dörd aparıcı dünya şirkətləri arasından (Ernst& Young, PriceWaterhouseCoopers, Deloitte i KPMG) beynəlxalq məsləhət şirkətini cəlb edir. Bu barədə çərşənbə axşamı AZPROMO-nun ixracın təşviqi Departamentinin direktoru Emil Əliyev məlumat verib.
Araşdırmaların aparılmasına zərurət Azərbaycanda Meyvə Korporasiyasının yaradılması planları ilə bağlıdır. Bu, şirə istehsalçıları və tərəvəz müəssisələrinin səylərinin birləşdirilməsi məqsədilə AZPROMO tərəfindən təklif edilib.
"Azərbaycanda ilk dəfə olaraq, bu sahədə bazarın vəziyyətinin qiymətləndirilməsi üçün belə iri beynəlxalq şirkət cəlb edilir və onunla mayın əvvəlində niyyətlər haqqında memorandum imzalanacaq", - Əliyev qeyd edib.
Memoranduma Meyvə Korporasiyasının işində iştiraka hazır olduğunu bildirən Azərbaycan İnvestisiya Şirkəti (AİŞ), şirə və tərəvəz istehsalçıları qoşulacaqlar.
Ölkədə korporasiyasının yaradılması fikrinin təqdimatı məqsədilə istehsalçılarla aprelin əvvəlində baş tutan birinci görüşdə yalnız dörd şirkət korporasiyada iştirak arzusunda olduqlarını bildirsələr də, bu siyahı tədricən genişlənir.
Əliyevin sözlərinə görə, bu fikir ümumilikdə bütün istehsalçılar tərəfindən dəstək qazanıb. Lakin onlar əvvəlcə korporasiya haqqında əsasnamələr və meyvə məhsulları sahəsində aparılan araşdırmalarla tanış olmağı arzulayıblar.
Şirkətlər korporasiyada tamamilə deyil, müəyyən istehsal qüvvələrinin verilməsi yolu ilə birləşə bilərlər. Onların korporasiyada iştirak payları bundan asılı olacaq və bu da müstəqil fəaliyyətə təsir göstərməyəcək. Hər şirkətin korporasiyaya daxil olması satılan istehsal qüvvələrinin auditor şirkətləri tərəfindən qiymətləndirilməsi ilə müşayiət olunacaq.
Korporasiya yerli şirə istehsalçılarının xarici bazarlarda təmsilçisi rolunu oynayacaq, istehsalın beynəlxalq standartlara uyğun vəziyyətə gətirilməsinə yardım edəcək, vahid brend altında ixraca çıxacaq.
Bu gün ölkədə 13 iri, 40-a yaxın kustar istehalçı var. Şirə istehsalının yüksək rentabelliliyini nəzərə alaraq, demək olar ki, ölkədəki bütün konserv və ət-süd müəssisələri şirə buraxılması üzrə istehsal xətlərinə malikdirlər.
Müəlliflə əlaqə saxlamaq üçün elektron ünvan: [email protected]
