Azərbaycan, Bakı, 13 may/ Trend , müxbir İ.Xəlilova/ AGBank-ın təsisçiləri çərşənbə axşamı keçirilən iclasda Amerikanın Kazimir Investment Caspian Fund Şirkətinə bankın səhmlərinin 10 faizinin verilməsini təqdir ediblər. Bu barədə bankın idarə heyətinin sədri Azər Mövsümov məlumat verib. Bank səhmləri 8,360 mln. manata satıb.
Saziş yeni emissiyaların buraxılması vasitəsilə həyata keçirilib. Emissiyalar artıq Qiymətli Kağızlar üzrə Dövlət Komitəsində qeydiyyatdan keçib.
Yeni səhmdarın daxil olması nəticəsində bankın Nizamnamə kapitalı hazırki 12 mln. manatdan 20,360 mln. manatadək artacaq.
Bu gün AGBank-ın təqribən 80 səhmdarı var. İndiyədək 1,470 mln. manata bankda 17,5 faiz (735 000 səhm) iştirak əldə etmiş Beynəlxalq Maliyyə Korporasiyası (İFC) bankın yeganə xarici səhmdarı hesab edilirdi.
Bankın aktivləri hazırda 170 mln. manatı ötür.
Mayın 13-ə olan rəsmi məzənnə - 0,8269 AZN/USD.
Müəlliflə əlaqə saxlamaq üçün elektron ünvan: [email protected]
